KULTUR OG HISTORIE

Vestkapp ligg på toppen av Kjerringa, fjellet som strekker seg lengst vest mot det berykta Stadhavet. Her ligg det mykje historie, og området rundt Vestkapp er rikt på kultur. Sjølv om tidene har endra seg, og folk jobbar mykje i industrien og med turisme, er det framleis eit rikt fiskerimiljø her.

Frå Vestkapp kan du ta turen ned til Ervik, og St.Svithun minnekapell som vart bygd til minne om alle som omkom då hurtigruta vart senka rett utanfor bygda, under 2. verdskrig. Minnekapellet er ope for besøkjande i sommarsesongen.

På Vestkapp-platået kan du sjå restar av gamle steingardar, men også restar frå verdskrigane. Tettstaden Selje var ein gong eit av dei viktigaste bispeseta i landet, og soga seier at Olav Trygvasson kristna Midt-Noreg på Dragseide. Legenda fortel også om kongsdottera Sunniva som leid martyr-døden og vart utropt til helgen av Olav Trygvasson.

Ruinane på øya Selje, eit årleg utandørs teaterdrama og eit særs aktivt kunstnarmiljø, er med på å halde liv i viktig historisk ballast.