|
VESTKAPP
- TETT PÅ VERET!
Vestkapp ligg på
fjellplatået Kjerringa som ruvar 497 meter over det
vakre og frykta Stadhavet.
Her møter du vêr
og vind i alle kombinasjonar, frå blikkstille hav og
strålande solskin, til skodde og storm, gjerne med
eit par innslag av orkan frå tid til annan.
Ved første augekast
kan det virke stille og einsamt på platået.
Men, plutseleg sprett ein hare foran deg, ein røyskatt
er veldig nysgjerrig på kven du er, ørna tek
seg ein luftetur, ja, kanskje får du til og med eit
glimt av reven.
Set du pris på
vakker og mykje natur, er Vestkapp staden for deg. Med ei
flott 360 graders panoramautsikt kan du i eit og same
andedrag nyte synet av storhav, snøkledde
fjelltoppar, øyar og fjord.
Vestkapp-platået er
Nord-Europa og Noreg sitt vestlegaste fjellplatå og
ligg på 62* 11’ 18” nordleg breiddegrad
og 5* 7’ 33” austleg lengdegrad, på
halvøya Stadlandet i Selje kommune, Sogn og
Fjordane.
|
